კომუნიკაციების კომისიამ ინტერნეტში ბავშვებისა და მოზარდების საფრთხის შემცველი ინფორმაციისგან დაცვის მიზნით, დებულება დაამტკიცა და საფრთხის შემცველი ინფორმაციის ინტერნეტში განთავსების წესები განსაზღვრა.
კომისიის გადაწყვეტილებით, ინტერნეტში ბავშვების დაცვის მიზნით, განისაზღვრა ვალდებულებები, როგორც ინტერნეტპროვაიდერი კომპანიების, ისე ვებგვერდების მფლობელი კომპანიების მიმართ.
ვალდებულების მიხედვით, ინტერნეტპროვაიდერმა კომპანიებმა, საკუთარ ვებგვერდებს ასაკობრივი ნიშანდება უნდა მიანიჭონ, მშობლის მოთხოვნის შემთხვევაში კი შეზღუდონ წვდომა იმ საიტებზე, რომლებიც ბავშვებისთვის საფრთხეს წარმოადგენს.
დებულება კომუნიკაციების ეროვნულმა კომისიამ უკვე დაამტკიცა და გადაწყვეტილება ბავშვთა საერთაშორისო დღეს, 1 ივნისს ამოქმედდება.
წყარო: "რუსთავი2"