ბათუმში, ინასარიძის ქუჩაზე მდებარე ერთ-ერთი საცხოვრებელი კორპუსის ლიფტის შახტში ჩავარდნილი ცხრა წლის ბავშვის მდგომარეობა უმძიმესია. დაშავებული ბათუმის დედათა და ბავშვთა ცენტრში გადაიყვანეს. შემთხვევა გუშინ მოხდა.

„შემოვიდა 9 წლის პაციენტი ძალიან მძიმე მდგომარეობაში. სიმძიმეს განაპირობებდა პოლიტრავმა, ტრავმული შოკი. იყო სიმაღლიდან, მე-7 სართულიდან ვარდნა. მკურნალობა ინტენსიურ განყოფილებაში დაიწყო, ტარდება კვლევები. მდგომარეობა ამ ეტაპზე არის სტაბილურად მძიმე. ის რეანიმაციაშია მოთავსებული. პერიოდულად შემოდის კონტაქტში, უფრო მეტად ძილიანობისკენ არის მიდრეკილი“, - განაცხადა ექიმმა, მაგდა ბერიძემ.