ირანში მყოფმა ქართველმა გოგონამ ანამარია დევიძემ ტელეკომპანია "რუსთავი 2"-თან საუბრისას აღნიშნა, რომ ირანში სიმშვიდეა და ელოდება როდის გადაივლის კორონავირუსი საქართველოში, რომ უკან დაბრუნდეს.

"ხუთი დღის წინ ვიყავი გარეთ გასული და ფაქტობრივად არაფერი ხდებოდა. სულ რაღაც 5-6 ადამიანი დავინახე პირბადით მოსიარულე და ჩვეულებრივად ვაგრძელებთ ცხოვრებას.

ველოდები კორონავირუსის გადავლას, რომ საქართველოში ჩამოვიდე. მოგიწოდებთ სხვა ქართველებსაც, ვინც საზღვარგარეთ იმყოფებით - დარჩით იქ სადაც ხართ, რადგან თვითმფრინავიდან და აეროპორტიდან უფრო დიდი ალბათობაა, რომ ვირუსი შეგხვდეთ," - აცხადებს ანამარია დევიძე.

შეგახსენებთ, რომ ოფიციალური ინფორმაციით, ირანში COVID-19-მა 34 ადამიანი იმსხვერპლა. დასავლური მედია კი წყაროებზე დაყრდნობით წერს, რომ რეალურად, 200-ზე მეტი ადამიანია დაღუპული, ხოლო თეირანი ამ სტატისტიკას მალავს.