(რეზონანსი) საქართველო-აზერბაიჯანის საზღვრის „წითელი ხიდის" მონაკვეთიდან საქართველოს ტერიტორიაზე შემოსული 18 ადამიანი 28 თებერვალს კორონავირუსზე შესამოწმებლად სოფელ ბედიანში გადაიყვანეს - ამის შესახებ ინფორმაციას „რადიო თავისუფლება" ავრცელებს.

წყარომ განაცხადა, რომ 18-ვე საქართველოს მოქალაქეა და აზერბაიჯანის გავლით ირანიდან შემოვიდნენ.

„ყველა მათგანს პასპორტში ირანის მესაზღვრეთა ბეჭედი ერტყა", განაცხადა სასაზღვრო გამშვებ პუნქტზე მომუშავემ. წყარომ დასძინა, რომ, მისი ინფორმაციით, ბედიანში საკარანტინო ზონა გახსნეს.