ამ მომენტში, ჯერჯერობით ჩვენ იტალიიდან ფრენების შეზუდვას არ განვიხილავთ, - ამის შესახებ ჟურნალისტებს საგარეო საქმეთა მინისტრმა, დავით ზალკალიანმა განუცხადა.
მისი თქმით, ამ ეტაპისთვის საქართველოს ფერენები მხოლოდ ორ ქვეყანასთან, ირანთან და ჩინეთთან აქვს შეზღუდული, „იცით, რომ ორი ქვეყანა, ვისთანაც ფრენების შეზღუდვები გვაქვს, ეს ჩინეთი და ირანია", - აღნიშნა ზალკალიანმა.
საქართველოში კორონავირუსის პირველი შემთხვევა დადასტურდა. ჯანდაცვის მინისტრის, ეკატერინე ტიკარაძის თქმით, დაავადებული საქართველოს მოქალაქეა, რომელიც გუშინ აზერბაიჯანის გავლით ირანიდან შემოვიდა. საუბარია 50 წლის კაცზე. პაციენტი ინფექციურ საავადმყოფოშია გადაყვანილი და მის სიცოცხლეს საფრთხე არ ემუქრება.