საქართველოს პირველი პრეზიდენტის შვილის ცოტნე გამსახურდიას მეუღლე ანა ჯაბაური თავისი მეუღლის ჯანმრთელობის მდგომარეობის შესახებ საუბრობს.

გაზეთში გამოქვეყნებულ ინტერვიუში ჯაბაური ამბობს, რომ ცოტნეს მდგომარეობა გაუმჯობესებულია. მისივე თქმით, ამ ეტაპზე მიმდინარეობს მსჯელობა და შესაძლოა, რამდენიმე დღეში ის სხვა ქვეყანაში ან სხვა კლინიკაში გადაიყვანონ.

"უკეთესობა არის ნამდვილად, მეტი რეაქციებია და ახლა​ კიდურებშიც მეტი ძალა აქვს. ამ დღეებში წყდება ზუსტად მისი სხვა ქვეყანაში ან სხვა კლინიკაშ გადაყვანის საკითხი. ჯერ ზუსტად არ ვიცით და არ არის გადაწყვეტილი საბოლოო დეტალები", - განუცხადა "ალიას" ანა ჯაბაურმა.