გრიპის ვირუსით გარდაცვლილი ფეხმძიმე ქალი ონის რაიონის სოფელ პიპილეტიდან იყო.

32 წლის ეკა გოგლიძეს ორი შვილი, მეორე კლასელი და 4 წლის მცირეწლოვანი დარჩა.

ონში მცხოვრები ქალი ჯანმრთელობის მძიმე მდგომარეობით ამბროლაურის საავადმყოფოში მიიყვანეს, საიდანაც კატასტროფის ჯგუფმა დაუყოვნებლივ ქუთაისის ინტერვენციული მედიცინის ცენტრში გადაიყვანა.

გართულებული რესპირატორული ინფექციის გამო, ორსული ქალის გადარჩენა ვერ მოხერხდა. პაციენტი 8 თებერვალს გარდაიცვალა.