(რეზონანსი) პარლამენტის ვიცესპიკერმა გიორგი ვოლსკიმ ჟურნალისტებს გიგი უგულავასთვის პატიმრობის შეფარდების საკითხზე ესაუბრა:

„პროკურატურას აქვს პრეტენზია იმასთან დაკავშირებით, რომ 50 მლნ მოიპარა. რა კომენტარი უნდა გავაკეთო - პოლიტიკური ფიგურაა თუ აპოლიტიკური, არ აქვს მნიშვნელობა. მე ბავშვები ვიცი, ჯართის მოპარვისთვის 5 და 6 წელი ახეხინეს ციხეები. ძალიან ვწუხვარ, არ მომწონს ადამიანის დაჭერა, მაგრამ ჩემი პერსონალური დამოკიდებულა არაფერს შუაშია", - აღნიშნა პარლამენტის ვიცესპიკერმა.

უზენაესმა სასამართლომ გიგი უგულავა ე.წ. ფონდის საქმეზე თანხის გაფლანგვაში დამნაშავედ ცნო და 3 წლითა და 2 თვით თავისუფლების აღკვეთა შეუფარდა.

პროკურატურა გიგი უგულავას მერობის პერიოდში თბილისის განვითარების ფონდიდან 48 მილიონი ლარის მითვისება-გაფლაგვას ედავებოდა. 2018 წელს საქალაქო სასამართლომ ყოფილ მერს აღნიშნულ საქმეზე 1 წლითა და 3 თვით თავისუფლების აღკვეთა შეუფარდა, თუმცა სხვა საქმეზე გამოტანილმა განაჩენმა ახალი განაჩენი შთანთქა და სასამართლომ სასჯელი მოხდილად ჩაუთვალა.