4 თებერვალს, კობი-სტეფანწმინდის მონაკვეთზე უბედური შემთხვევის შედეგად დაღუპული ქალი, მანანა მორგოშია წარმოშობით ზუგდიდის მუნიციპალიტეტის სოფელ ორსანტიიდანაა. იგი წლების განმავლობაში მოსკოვში ცხოვრობდა.

ამის შესახებ ინფორმაცია მერის წარმომადგენელმა სოფელ ორსანტიაში ელგუჯა ბოკუჩავამ "პრაიმტაიმს" განუცხადა.

"მას ჰქონდა ორმაგი მოქალაქეობა, აქ სოფელში სახლი დაკეტილი აქვთ წლებია. გარდაცვლილის ნათესავებიდან გავიგეთ, რომ მის ცხედარს დღეს მეუღლის სახლში ზუგდიდის მუნიციპალიტეტში ჩამოასვენებენ",- გვითხრა მან.

შეგახსენებთ, რომ გუშინ ჩამოწოლილმა ზვავმა მანქანა ხევში გადააგდო. მოყოლილი ზვავის ქვეშ მაშველებმა ერთი დაღუპული და ერთიც უვნებლი ამოიყვანეს.