ჩინეთში კორონავირუსით დაღუპულთა რაოდენობა ერთ დღეში 64- ადამიანით გაიზარდა და 425-ს მიაღწია, - „როიტერის“ ინფორმაციით, ამ დრომდე ქვეყანაში ვირუსით დაინფიცირების 20 438 დადასტურებული შემთხვევაა გამოვლენილი. რაც შეეხება ჩინეთის ფარგლებს გარეთ, 23 ქვეყანაში ახალი კორონავირუსი 151 ადამიანს დაუდასტურდა. გარდაცვალების შემთხვევა კი ჯერჯერობით მხოლოდ ფილიპინებშია დაფიქსირებული.

ჯანდაცვის მსოფლიო ორგანიზაციამ 30 იანვარს ჩინეთიდან კორონავირუსის გავრცელების გამო, საერთაშორისო მნიშვნელობის საგანგებო ვითარება გამოაცხადა.