საგანგებო სიტუაციების კოორდინაციის და გადაუდებელი დახმარების ცენტრის დირექტორის ავთანდილ თალაკვაძის ინფორმაციით, მოსახლეობაში პანიკა არ შეინიშნება, თუმცა პირბადეებზე მოთხოვნა გაზრდილია.
„მოქალაქეებმა სადეზინფექციო საშუალებებით ხშირად უნდა დაიბანონ ხელები, გაანიავონ სივრცე, სადაც იმყოფებიან და ატარონ პირბადე, თუკი გრიპი აქვთ.
ამ ეტაპზე არ შეინიშნება პანიკა, არც სასწრაფოს გამოძახებით და სასურველია, რომ არც შეინიშნებოდეს. თუმცა, შეინიშნება აფთიაქებში პირბადეებთან დაკავშირებით მოთხოვნა, იმიტომ რომ საკმაოდ აქტიურად ყიდულობს მოსახლეობა პირბადეებს.
საზოგადობასთან რეკომენდაციას რაც შეეხება, ის არის, რომ მათ ხშირად გაანიავონ სივრცე, სადაც იმყოფებიან, ასევე ხელი დაიბანონ სადეზინფექციო საშუალებებით, იმ შემთხვევაში, თუ ადამიანი არის გრიპიანი, აუცილებლად უნდა ეკეთოს პირბადე სხვასთან კომუნიკაციის დროს“, – აღნიშნა თალაკვაძემ.