შინაური ცხოველის მიმართ სამართალდარღვევის ფაქტი 8 ლარით ჯარიმდება. ამის შესახებ „პრაიმტაიმს" ცხოველთა მონიტორინგის სააგენტოში განუცხადეს.

„როცა ადმინისტრაციული სამართალდარღვევაა, მათ შორის მოვლა პატრონობის წესის დარღვევა, მაგალითად, როცა შინაური ცხოველი არ ჰყავთ რეგისტრირებული, ამ შემთხვევაში პატრონი პირველად ჯარიმდება 8 ლარით, განმეორებითი ფაქტის დაფიქსირების შემთხვევაში კი ჯარიმა 50 ლარს შეადგენს", - განგვიმარტეს ცხოველთა მონიტორინგის სააგენტოში.

„იმ შემთხვევაში თუკი შინაურ ცხოველს მიადგება ტანჯვა, საქმე შინაგან საქმეთა სამინისტროს გადაეცემა", - ამბობენ სააგენტოში.