(რეზონანსი) თურქეთის თვითმფრინავი ჩინეთის ქალაქ უხანიდან თურქეთის 34, საქართველოს შვიდ, ასევე აზერბაიჯანის შვიდ და ალბანეთის ერთ მოქალაქეს თურქეთში ჩაიყვანს, - ამის შესახებ თურქული მედია წერს.

თურქეთის ხელისუფლების კუთვნილი სამხედრო-სატრანსპორტო თვითმფრინავი უკვე უხანის აეროპორტშია და გამოსაფრენად ემზადება.

თურქული გამოცემა „ჰურიეთის" ინფორმაციით, მგზავრებს სპეციალურ ტანსაცმელს დაურიგებენ და ისინი თურქეთის ტერიტორიაზე, 14 დღის განმავლობაში კარანტინში იქნებიან.