(რეზონანსი) სახალხო დამცველი ნინო ლომჯარია აცხადებს, რომ იუსტიციის მინისტრმა თეა წულუკიანმა მისი ციხეში შესვლის გასაჯაროვებით კანონი დაარღვია.

„საქართველოს სახალხო დამცველის ორგანული კანონით, სახალხო დამცველთან კომუნიკაცია და ნებისმიერი სახის ურთიერთობა პატიმრებთან კონფიდენციალურია. დღეს საქართველოს იუსტიციის მინისტრმა დაარღვია კანონი, ჩაიდინა დანაშაული. მისი უწყების ოფიციალურ ვებგვერდზე გაასაჯაროვა ჩემი შეხვედრის დეტალები. ეს არის სახალხო დამცველის საქმიანობაში ჩარევა, დანაშაული".

როგორც სახალხო დამცველი ამბობს, ამ ინფორმაციას მომავალ კვირას სტრასბურგში საერთაშორისო პარტნიორებს მიაწვდის.