ესპანეთის ქალაქ ალიკანტეს აეროპორტში ევაკუაცია გამოცხადდა. ადგილობრივი მედიის ინფორმაციით, ამის მიზეზი აეროპორტის ტერმინალის სახურავზე გაჩენილი ძლიერი ხანძარი გახდა.

ინციდენტის შედეგად, ავიარეისები ახლომდებარე აეროპორტებში გადამისამართდა, მგზავრები კი რეისების შეფერხებების შესახებ გააფრთხილეს.

აეროპორტიდან თვითმფრინავების ევაკუაციაც განხორციელდა. ამ დროისთვის ხანძარი კონტროლს ექვემდებარება.

აეროპორტის ტერმინალში ხანძრის გაჩენის მიზეზი ამ დროისთვის უცნობია.