ირანის მიერ უკრაინული ლაინერის ჩამოგდების აღიარების შემდეგ თეირანში საპროტესტო აქცია იმართება. ამის შესახებ "როიტერსი" ადგილობრივ მედიაზე დაყრდნობით წერს.

გამოცემის ინფორმაციით, აქციის მონაწილეები ქვეყნის მთავრობის საწინააღმდეგო ლოზუნგებს სკანდირებენ და გენერალ ყასემ სოლეიმანის ფოტოები დახიეს. ისინი ქვეყნის უზენაესის სასულიერო ლიდერის აიათოლა ჰამენეის გადადგომას ითხოვენ. დემონსტრაციაში ათასამდე ადამიანი იღებს მონაწილეობას.