24 წლის მურად წურწუმიას საქმეზე დაკავებული მეორე პირი - ვახტანგ ბურძენიძე უარყოფს ინფორმაციას, რომ ის მკვლელობის შემდეგ მიმალვაში იმყოფებოდა.

დაკავებულიის ადვოკატის თქმით, ბრალდებული წარდგენილ დანაშაულს არ აღიარებს:

"გავრცელებული ინფორმაცია, თითქოს ის მიმალული იყო, არ შეესაბამება სინამდვილეს, ის საკუთარ საცხოვრებელ სახლში იყო და კატეგორიულად გამორიცხავს ბრალად შერაცხულ ქმედებაში მის მონაწილეობას", - განაცხადა გოგინავამ.

ადვოკატის თქმით, დაკავებულს ივანიშვილთან ნათესაური კავშირი არ აქვს:

"არ წარმოადგენს ის არც ბიძინა ივანიშვილის ნათესავს, ის ჩვენსავით რიგითი მოკვდავი ადამიანია და მზად ვართ პასუხი ვაგოთ, თუკი, ამას არსებითი საქმის განმხილველი მოსამართლე დაინახავს", -განაცხადა გოგინავამ.

პროკურატურა ვარკეთილში, ე.წ. „დამპალოს სასაფლაოზე" მომხდარის შედეგად, გარდაცვლილ მურად წურწუმიას საქმეზე დაკავებული მეორე პირისთვის აღკვეთის ღონისძიების სახედ პატიმრობის გამოყენებას ითხოვდა. საბოლოოდ, ბრალდებულს პატიმრობა შეეფარდა.