საქართველოს მთავრობა დღეს სხდომას გამართავს, რომელზეც დღის წესრიგის მიხედვით, პირველი განსახილველი საკითხი „ანაკლიის განვითარების კონსორციუმთან“ ხელშეკრულების მოშლა იქნება.

კერძოდ, მთავრობის სხდომის დღის წესრიგში ანაკლიის პორტთან დაკავშირებული საკითხი შეტანილია სახელწოდებით – საქართველოს მთავრობის განკარგულების პროექტი „ანაკლიაში შავი ზღვის ღრმაწყლოვანი ნავსადგურის მშენებლობის, ოპერირებისა და გადაცემის (BOT) შესახებ“ საქართველოს მთავრობას და შპს „ანაკლიის განვითარების კონსორციუმს“ შორის 2016 წლის 3 ოქტომბერს გაფორმებული საინვესტიციო ხელშეკრულების მოშლის შესახებ“.

საკითხზე მომხსენებელი რეგიონული განვითარებისა და ინფრასტრუქტურის მინისტრი მაია ცქიტიშვილი იქნება.