გურჯაანში ავტოსაგზაო შემთხვევა მოხდა, რის შედეგადაც დაშავებულია რამდენიმე ადამიანი და დამტვრეულია 6 ავტომობილი.

პირველადი ინფორმაციით, ქალაქის ცენტრში მოძრავმა სატვირთო ავტომობილის მძღოლმა საჭე ვერ დაიმორჩილა და რამდენიმე ავტომობილს დაეჯახა, შემდეგ კი ნონეშვილის გამზირზე მდებარე ჯიხურს და აფთიაქს შეეჯახა.

შემთხვევის შედეგად დაშავდა რამდენიმე ადამიანი, შედარებით მძიმეა ახალგაზრდა ქალის მდგომარეობა,რომელიც ქვეითად მოსიარულე იყო.

იგი ჯეოჰოსპიტალის საავადმყოფოშია გადაყვანილი.

საქმე სსსკ-ის 276-ე მუხლის მეორე ნაწილით მიმდინარეობს, რაც ავტოსატრანსპორტო საშუალების მოძრაობის ან ექსპლუატაციის წესის დარღვევას გულისხმობს.