ოფიციალური ინფორმაციით, საქართველოს პრეზიდენტი სალომე ზურაბიშვილი საშობაოდ პატიმრების შეწყალებას აპირებს. მოხვდება თუ არა დეკანოზი გიორგი მამალაძე, რომლის თაობაზე ზურაბიშვილს საქართველოს საპატრიარქომ მიმართა, შეწყალებულთა სიაში ჯერჯერობით უცნობია.

თავად სალომე ზურაბიშვილი ამ თემაზე ჟურნალისტების კითხვებს არ პასუხობს. აღსანიშნავია, რომ გუშინ საპატრიარქოში ილია მეორის დაბადების დღის მისალოცად სალომე ზურაბიშვილი საათზე მეტი ხნის განმავლობაშ იმყოფებოდა, თუმცა ისაუბრეს თუ არა პატრიარქმა და პრეზიდენტმა დეკანოზის შეწყალების საკითხზე, ცნობილი არ არის.

დაკავებული სასულიერო პირის ადვოკატის მიხეილ რამიშვილი პრეზიდენტისგან რაიმე გადაწყვეტილების მიღებას არ ელოდება.