ტელეკომპანია „მთავარის" ინფორმაციით, საქართველოში ვირუსული აფეთქების ახალ ტალღას მედიკოსები თებერვლიდან ელოდებიან. ტელეკომპანიის ცნობით, წელს საქართველოში შარშანდელთან შედარებით B ტიპის ვირუსი ჭარბობს, რაზეც მოქალაქეებს ნაკლები იმუნიტეტი აქვთ, ამიტომ მას გართულებები ახლავს და ორგანიზმს ვირუსის დამარცხება უჭირს.

„ვინაიდან B ტიპის ვირუსი წინა წლებში იშვიათად იყო, ნაკლები აქვს პოპულაციას მისდამი იმუნიტეტი და ცოტა შეიძლება გახანგრძლივებულადაც მიმდინარეობდეს. ჩვენს მოსახლეობას აშინებს B ტიპის ვირუსის დიაგნოზი. " - აცხადებს ექიმი.

შესაძლოა ვირუსული პიკის გამო, პოლიკლინიკების ნაწილი მუშაობის 24-საათიან რეჟიმზე გადავიდეს.

„მთავარის" ინფორმაციით B ტიპის ვირუსის ინფექცია განსაკუთრებით ასაკოვან და მოზარდ თაობაში რთულდება. A ტიპის ვირუსისგან განსხვავებით B ტიპის ვირუსი ორგანიზმში რამდენიმე დღით უფრო მეტხანს რჩება და მარტივად რთულდება.