(რეზონანსი) რუსეთის დუმის პარლამენტთაშორისი ჯგუფის ხელმძღვანელი ლეონიდ კალაშნიკოვი ფეისბუქის პირად გვერდზე ექიმი ვაჟა გაფრინდაშვილის გათავისუფლებას ეხმიანება:

"მივესალმები იმ ფაქტს, რომ ვაჟა გაფრინდაშვილი თავისუფალია და ეს ახალი წლის წინ მოხდა. მოხარული ვარ, რომ ამ საქმეში მნიშვნელოვანი წვლილი შეიტანეს რუსმა და ქართველმა პარლამენტარებმა, ჩვენმა კოლეგებმა „საქართველოს პატრიოტთა ალიანსიდან". მთელი ამ პერიოდის მანძილზე, ჩვენი შეხვედრებისა და კონტაქტების დროს, ისინი უდიდეს ყურადღებას უთმობდნენ ამ უმნიშვნელოვანეს საკითხს.

ვაჟა გაფრინდაშვილის გათავისუფლება კიდევ ერთხელ ადასტურებს, რომ დიალოგს ალტერნატივა არ გააჩნია.იმედი გვაქვს, რომ ეს ამბავი საქართველო-სამხრეთ ოსეთის საზღვართან სიტუაციის განმუხტვის დასაწყისი იქნება"