გორიდან გაუჩინარებული 16 წლის გოგონა ნაპოვნია და უკვე თავშესაფარს დაუბრუნდა. გოგონას ადგილსამყოფელი სამართალდამცავებისთვის გუშინ უკვე იყო ცნობილი. ის თავშესაფარში დღეს დილით დააბრუნეს.

არასრულწლოვანთა თავშესაფარში გოგონა 22 დეკემბერს, საღამოს 10 საათამდე უნდა მისულიყო. ის თავშესაფარში, ოჯახური ძალადობის გახმაურებული ფაქტის შემდეგ, იყო მიყვანილი. მამამისი დაკავებულია.

შსს ინფორმაციით, არასრულწლოვანი თავს კარგად გრძნობს. ეს არ იყო მოზარდის გაქცევის პირველი შემთხვევა. ცნობილია, რომ გოგონა მამის მხრიდან სექსუალური ძალადობის მსხვერპლია.