გიორგი რურუას ახალი ბრალი წაუყენეს. საქმე ეხება დნმ-ის ნებაყოფლობით აღებას, რისი უფლებაც გამოძიებას რურუამ არ მისცა.

რურუას ადვოკატის, დიმიტრი საძაგლიშვილის თქმით, ისინი წარდგენილ ბრალს არ ეთანხმებიან და აღნიშნულ გადაწყვეტილებაში პოლიტიკურ სარჩულს ხედავენ.

"ჩვენ მზად ვართ შევასრულოთ ნებისმიერი გადაწყვეტილება სასამართლოსი და იმავდროულად ჩვენ მოვითხოვთ, რომ პროკურორებმა და გამომძიებლებმა ასევე შეასრულონ კანონით მათზე დაკისრებული მოვალეობა და გაარკვიონ თუ ვინ ჩაუდო ცეცხლსასროლი იარაღი გიორგი რურუას და ვინ აიღო მისგან უკანონოდ დნმ-ის ნიმუში" - განაცხადა საძაგლიშვილმა.