(რეზონანსი) ადვოკატი ბადრი მანჯავიძე, რომელიც ცხინვალში ვაჟა გაფრინდაშვილის ე.წ. სასამართლო პროცესს იხსენებს:

"მე მქონდა საუბარი ბადრაგთან, რომლებიც პერიოდულად გამოდიოდნენ. ყველას უკვირდა, თუ არ ვიყავი ახლობელი და ნათესავი, რატომ ჩავედი. ძალიან აგრესიულად იყვნენ განწყობილნი, მეუბნებოდნენ, უნდა გაიგოს ყველამ, რომ სხვა ქვეყანაა ეს და სხვა კანონებიაო. სხვათა შორის მე დავინახე ვაჟა, როდესაც გადმოიყვანეს. წვერი ჰქონდა მოშვებული და შავი ქურთუკი ეცვა. ორი განსაკუთრებული აღნაგობის ბადრაგი ედგა გვერდით", - იხსენებს ადვოკატი.