(რეზონანსი) 22 დეკემბერს პოლიტიკური გაერთიანება „ლელო საქართველოსთვის" დამფუძნებელი ყრილობა გაიმართება.

„დელეგატები, რომლებიც საქართველოს სხვადასხვა რეგიონს წარმოადგენენ, აირჩევენ პარტიის თავმჯდომარეს და ნდობას გამოუცხადებენ მმართველი ორგანოს - პარტიის პოლიტიკური საბჭოს წევრებს. ღონისძიებაზე წარადგენენ პარტიის ხედვას. ყრილობის მნიშვნელოვანი ნაწილი იქნება პარტიის ლოგოს, სლოგანის და სხვა ატრიბუტიკის წარდგენა. პირველად გაჟღერდება პარტიის ჰიმნი", - ნათქვამია „ლელოს" მიერ გავრცელებულ ინფორმაციაში.

ყრილობა საგამოფენო ცენტრ „ექსპო ჯორჯიას" მე-11 პავილიონში გაიმართება.