(რეზონანსი) კახეთის გზატკეცილზე, სატვირთო ავტომობილი და ყვითელი მიკროავტობუსი ერთმანეთს შეეჯახნენ, რის შედეგადაც ერთი ადამიანი ადგილზე დაიღუპა ხოლო, დაშავებული ქალი საავადმყოფოში ცოტა ხნის წინ გარდაიცვალა.

შემთხვევის დროს 14-მდე პირი დაშავდა მათ შორის ორი არასრულწლოვანია. ერთ-ერთს კი, ამ წუთებში ოპერაცია უტარდება.

შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 276-ე მუხლის მეექვსე ნაწილით მიმდინარეობს, რაც ტრანსპორტის მოძრაობის უსაფრთხოების წესის დარღვევას გულისხმობს, რასაც ადამიანის გარდაცვალება მოჰყვა.