სახელმწიფო ინსპექტორის აპარატმა 15 წლის მოზარდის საქმეზე დიდუბე-ჩუღურეთის სამმართველოს პოლიციის პირველი განყოფილების გამომძიებელი, მარიამ ჩოლოიანი დააკავა.

მას ბრალი სისხლის სამართლის კოდექსის 335-ე მუხლის პირველი ნაწილით ედება, რაც ჩვენების მიცემის იძულებას გულისხმობს. სასჯელი ითვალისწინებს თავისუფლების აღკვეთას ხუთიდან ცხრა წლამდე, თანამდებობის დაკავების ან საქმიანობის უფლების ჩამორთმევის შემთხვევაში კი - ხუთ წლამდე.

შეგახსნებთ, რომ 15 წლის ლუკა სირაძე 17 დეკემბერს გარდაიცვალა. 12 დეკემბერს მოზარდმა თვითმკვლელობა სცადა მას შემდეგ, რაც პოლიციის განყოფილებაში სამართალდამცველებმა გამოჰკითხეს. როგორც სირაძის ადვოკატმა განაცხადა, მოზარდს ემუქრებოდნენ და დანაშაულის აღიარებას ითხოვდნენ. სირაძეს "მწვანე სკოლის" შენობის კედელზე წარწერების გაკეთებას ედავებოდნენ. მოზარდი სკოლის ყოფილი მოსწავლე იყო.