ინფორმაცია, თითქოს „ქართული ოცნების“ წევრები, კობა კობალაძე, ირაკლი აბუსერიძე და ზაზა პაპუაშვილი უმრავლესობას ტოვებენ, სიმართლეს არ შეესაბამება. ამის შესახებ დეპუტატმა ირაკლი აბუსერიძემ „რეზონანსს“ პირადად განუცხადა.
„არა, არანაირად. წეღანაც დამირეკეს თქვენმა კოლეგებმა და საიდან მოიტანეს ეს სიყალბე, არ ვიცი. არ ვადასტურებ, არც მიფიქრია ამაზე. ერთად ვართ, სამივეზე ცრუ ინფორმაციაა გავრცელებული,“ - ამბობს აბუსერიძე.
ინფორმაცია უმრავლესობის დატოვების შესახებ „ტვ პირველმა" გაავრცელა, რომლის თანახმადაც, დეპუტატები საპარლამენტო უმრავლესობის დატოვების შესახებ განცხადებას უახლოეს მომავალში გააკეთებენ.
ცნობისათვის, „ქართული ოცნება“ დღეს დეპუტატმა ალექსანდრე ერქვანიამ დატოვა.