(რეზონანსი) „ღმერთთან „სუხიოიზე" დაახლოება ძნელია, მესმის მათი", - ასე ეხმაურება „გირჩის" ერთ-ერთი ლიდერი ჰერმან საბო ათონის მთაზე მოღვაწე ბერის დაკავებას.

შეგახსენებთ, რომ ათონის მთაზე მოღვაწე ბერი, გიგა ქავთარაძე დიდი ოდენობით ნარკოტიკის შეძენა-შენახვის ბრალდებით დააკავეს.

შინაგან საქმეთა სამინისტროს ინფორმაციით, ამ საქმესთან დაკავშირებით დაკავებულია კიდევ ერთი პირი. მომხდარზე გამოძიება 260-ე მუხლით მიმდინარეობს, რაც ნარკოტიკული საშუალებების უკანონო შეძენა-შენახვას გულისხმობს.

სასულიერო პირის ადვოკატის ჯიტა გულუას ინფორმაციით, ბერი აღიარებითი ჩვენებით პოლიციაში თავად გამოცხადდა.