წუხელ გლდანში, ერთ-ერთი შენობიდან შვიდი დევნილი ოჯახი გამოასახლეს. გამოსახლებისას დევნილებსა და სამართალდამცავებს შორის დაპირისპირება მოხდა. ოჯახები შენობაში უკვე ხუთი თვეა უკანონოდ ცხოვრობენ.

დევნილების თქმით, მათი შენობიდან გამოსახლება შპს "ნინოს" მოთხოვნით მოხდა, რომელიც აღნიშნული ობიექტის მესაკუთრეა. 

"ვიყავით ქუჩაში იძულებით ბავშვებთან ერთად და შევედით, 5 თვეა უკვე ვცხოვრობთ. დღეს ქალბატონი მარტო იყო დარჩენილი დილით, შეუვარდნენ ნაჯახით, შეუმტვრიეს კარი, გამოიყვანეს წიხლის ცემით და შევიდნენ თვითონ შიგნით. ახლა პოლიცია დგას და არ გვიშვებენ შიგნით, ბავშვები გვყავს ქუჩაში," - ამბობს ერთ-ერთი დევნილი, გოგა თოლორდავა.