მიტროპილიტი იოსები, პარტია "ქართული ოცნების" თავმჯდომარის ბიძინა ივანიშვილის ინტერვიუს აფასებს.

"რუსეთის გეგმა, საქართველო ქართველების გარეშე" - ამ მინაწერით გააზიარა მეუფემ ივანიშვილის ფოტო, რომლის ქვემოთ კომენტარებში წერს: "ეს რაა და ეს ვინაა; სრულიად გამოავლინა თავისი თავი; ასე რამ შეგაძულა საქართველო; ამის მოთმენა უკვე აღარ შეიძლება"

მეუფის ამ  განცხადებას მოჰყვა შეფასებებიც. საქართველოს ექსპრეზიდენტმა მიხეილ სააკაშვილმა ვიდეომიმართვაში აღნიშნა, რომ მეუფეს ეთანხმება:

"ვეთანხმები დიდ პატრიოტს და ძალიან ღვაწლმოსილ მეუფე იოსებს - საქართველოს დაცლა ქართველებისგან სწორედაც რომ რუსეთის გეგმაა და ამას ახორციელებს ივანიშვილი. ჩვენი ვალია ერისაც და ბერისაც ეს გეგმა ბოლომდე არ მივაყვანინოთ", - აღნიშნა სააკაშვილმა.