(რეზონანსი) „ქართული ოცნების" ცენტრალურ ოფისთან „უფლებადამცველთა ასოციაციის" ორგანიზებით, ლაშა ჩხარტიშვილის მხარდასაჭერი აქცია სახელწოდებით "არა ლობიოს სამართალს" მიმდინარეობს.

აქტივისტებმა ადგილზე სიმბოლურად ლობიოს 41 მარცვალი მოიტანეს.

როგორც უფლებადამცველმა ნიკა მემანიშვილმა აღნიშნა, ლაშა ჩხარტიშვილის საქმე აუცილებლად შევა მსოფლიოს სამართლის ისტორიაში "ლობიოს საქმის" სახელით, იმიტომ, რომ 21-ე საუკუნეში ლობიოს აყრის გამო ადამიანებს არ იჭერენ.

შეგახსენებთ, რომ 29 ნოემბერს თბილისის საქალაქო სასამართლომ "ლეიბორისტური პარტიის" წევრს, ლაშა ჩხარტიშვილს 8-დღიანი ადმინისტრაციული პატიმრობა შეუფარდა. ის ეროვნულ ბიბლიოთეკასთან გამართულ აქციაზე დააკავეს და ადმინისტრაციული სამართალდარღვევათა კოდექსის 166-ე და 173-ე მუხლების დარღვევას ედავებიან.