შს სამინისტროს ცნობით, დააკავეს კაცი, რომელმაც ზესტაფონში ავტოსაგზაო შემთხვევის დროს საპატრულო პოლიციის თანამშრომელი იმსხვერპლა.

არსებული ინფორმაციით, 35 წლის პატრულ-ინსპექტორი მანქანიდან იყო გადმოსული, როდესაც მას მსუბუქი ავტომობილი დაეჯახა. მძღოლი შემთხვევის ადგილიდან მიიმალა.

სამართალდამცველი საავადმყოფოში გადაიყვანეს, თუმცა მისი გადარჩენა ვერ მოხერხდა.

მომხდარზე გამოძიება 276-ე მუხლის მე-2 და მე-6 ნაწილით დაიწყო.