სამართალდამცველების მიერ ლითონის კონსტრუქციებია განლაგებული ჩიტაძისა და ძმები ზუბალაშვილების ქუჩებზე. პარლამენტის სხვა შესასვლელებთან საპატრულო პოლიციაა მობილიზებული. დილიდან დემონსტრანტები პარლამენტის შენობის პიკეტირებას გეგმავდნენ, მაგრამ მათ მიმდებარე ქუჩები უკვე ჩახერგილი დახვდათ.

"ასეთი რუსთაველი არ მახსოვს, ეს რა უბედურებაა, მეგონა, დემონსტრანტებმა ჩახერგეს ჩიტაძე და თურმე, პოლიციის ნახელავია", - ამბობს "ნიუპოსტთან" მოქალაქე, რომელიც თავისუფლების მოედანზე რუსთაველის გავლით მიდიოდა.

პარლამენტში დღეს 10:00 საათიდან კომიტეტების სხდომები, 12:00 საათზე კი პლენარული სხდომაა ჩანიშნული.