ყვარლის მუნიციპალიტეტის სოფელ გრემში, ეჟიშვილების ოჯახში გაჩენილი ხანძრის შედეგად დაშავებული სამი პირი, მათ შორის 6 წლის ასაკის ბავშვი, თელავის რეფერალურ საავადმყოფოში გადაიყვანეს.
საავადმყოფოს დირექტორის, ხათუნა ჭონიაშვილის ინფორმაციით, სამივე დაშავებული ერთი ოჯახის წევრია.
„დედას და ბავშვს თბილისში დამწვრობის ცენტრში გავაგზავნით. ბავშვს სახე აქვს დამწვარი და უკეთესია, თუ იქ უმკურნალებენ. დედა სტაბილურად მძიმეა, ორმოცპროცენტიანი დამწვრობა აქვს. დეიდა უკეთესადაა, ალბათ ორ დღეში გავწერთ“,- თქვა ჭონიაშვილმა.
პრაიმტაიმის ცნობით, ხანძრის შედეგად გარდაცვლილი მოზარდი, თბილისის ერთ- ერთი სკოლის მეექვსე კლასის მოსწავლეა. გრემში, ის ბებიასთან დასასვენებლად იმყოფებოდა.