რუსთაველზე მყოფმა აქციის მონაწილეებმა ცოტა ხნის წინ უგონო მდგომარეობაში მყოფი ახალგაზრდა მამაკაცი იპოვეს. ისინი ამბობენ, რომ აქციაზე წყლის ჭავლის გამოყენების დროს დასველდა, თუმცა ტერიტორია არ დაუტოვებია და ადგილზე დარჩა. ბიჭი სასწრაფო-სამედიცინო დახმარების მანქანაში თავად აქციის მონაწილეებმა მოათავსეს. მას პირველადი დახმარება ადგილზევე გაეწია.

ექიმების განცხადებით, ბიჭი შოკურ მდგომარეობაში სხეულის გადაციების გამო იმყოფება. მომიტინგე საავადმყოფოში გადაიყვანეს.