ამ დროისთვის, თბილისში პარლამენტის შესასვლელებს პოლიცია აკონტროლებს. აქციის მონაწილეები და ოპოზიციის წარმომადგენლები, ჭიჭინაძის ქუჩის მხრიდან პარლამენტის შესასვლელთან მისვლას რამდენიმე წუთის განმავლობაში ცდილობდნენ, რისი საშუალებაც მათ პოლიციამ არ მისცა.

ადგილზე გამოჩნდა შსს-ს საპატრულო პოლიციის დეპარტამენტის დირექტორის მოადგილე, კახა ბუხრაძე, რომელიც აცხადებს, რომ აქციის მონაწილეებს პროტესტის გამოხატვის უფლება აქვთ, თუმცა კანონის ჩარჩოში უნდა ჩაჯდნენ.