სემეკი ბუნებრივი გაზის სამომხმარებლო ტარიფების ზრდას არ ელის, - ამის შესახებ მედიას მარეგულირებელი კომისიის თავმჯდომარემ დავით ნარმანიამ განაცხადა.მისი თქმით, მიუხედავად დოლარის მიმართ ლარის გაუფასურებისა ტარიფის ზრდა მოსალოდნელი არ არის, რადგანაც ვალუტის კურსის გარდა, ტარიფში სხვა ფაქტორებიც არის გათვლისწინებული - ეს არის ინვესტიციები და მოსაწოდებელი გაზის ფასი.

„ამ ეტაპზე იმის თქმა, რა გავლენა ექნება კონკრეტულად კურსს, გამიჭირდება, თუმცა სხვადასხვა ფაქტორებზე და მოცემულობებზე დაყრდნობით, შემიძლია ვთქვა, რომ გაზის ფასის ზრდას არ ველოდებით", - აღნიშნა დავით ნარმანიამ.