(რეზონანსი) ბორჯომში რესტორან „რჩეულში" სახურავს ცეცხლი გაუჩნდა. შემთხვევის შედეგად არავინ დაშავებულა.

ადგილზე მობილიზებულია სახანძრო-სამაშველო სამსახურის სამი ბრიგადა. ხანძრის გაჩენის მიზეზი ჯერჯერობით უცნობია.

საგანგებო სიტუაციების მართვის სამსახურში ამბობენ, რომ დაკვამლიანება სასხვენო გადახურვის საბუხრე მილთან შეინიშნება. ხანძარი ლოკალიზებულია, ახლა სალიკვიდაციო სამუშაოები მიმდინარეობს.