ოპოზიცია და აქციის ორგანიზატორები მიმდინარე კვირაში პარლამენტთან საპროტესტო აქციებს აღარ გეგმავენ, თუმცა ამბობენ, რომ მომდევნო დღეებში პერიოდულად ექნებათ სხვადასხვა აქტივობა, რის შესახებაც საზოგადოებას  აცნობებენ. 

საქმე ისაა, რომ აქციის დაშლის შემდეგ მისი ხელახლა ორგანიზება ვეღარ მოხერხდა და პარლამენტთან ხალხის მინიმალური ოდენობაის შეკრებაც გაჭირდა.

ჯერჯერობით ცნობილი მხოლოდ ისაა, რომ 25 ნოემბერს სამოქალაქო საზოგადოება და ოპოზიცია პარლამენტის პიკეტირებას გეგმავს. მოძრაობა „სირცხვილიას“ წარმომადგენლის შოთა დიღმელაშვილის თქმით, ასეთი პიკეტირება ყოველ ორშაბათს გაიმართება.