"ლეიბორისტული პარტიის" ოფისში ოპოზიციური პარტიების შეხვედრა დასრულდა. შეხვედრიდან გამოსულმა გრიგოლ ვაშაძემ მედიას ის მოთხოვნები გააცნო, რომელზეც სრული ოპოზიციური სპექტრი თანხმდება.

მაშ ასე, კონსოლიდირებული ოპოზიციის მოთხოვნებია - მთავრობის გადადგომა, ვადამდელი პროპორციული არჩევნები, ახალი ცესკო, პოლიტპარიმრების გათავისუფლება.

"მინდა გაგიზიაროთ ის მოთხოვნები, რომელიც ამ საკონსულტაციო ფორმატს გუშინდელიდან აქვს ჩამოყალიბებული - პირველი ეს არის ვადამდელი პროპორციული არჩევნები. აუცილებლად იკითხავთ, შეიძლება თუ არა ამ ხელისუფლების პირობებში პატიოსანი არჩევნების ჩატარება? - რა თქმა უნდა, არა. შესაბამისად მოთხოვნებია - ამ მთავრობის გადაყენება, ნდობის მთავრობის შექმნა, ცესკოს ახალი შემადგენლობის დაკომპლექტება სამოქალაქო საზოგადოებისა და არასამთავრობო ორგანიზაციების მიერ. შემდეგი მოთხოვნაა პოლიტპატიომრების უპირობო და დაუყოვნებლივი გათავისუფლება"- აცხადებს ვაშაძე.