რუსთაველის გამზირზე, პარლამენტთან აქცია განახლდა.

როგორც ორგანიზატორებმა დაანონსეს, ისინი დღეს ახალ სამოქმედო გეგმას წარადგენენ, რომელზეც ოპოზიციური პარტიების ლიდერებთან შეხვედრის შემდეგ შეთანხმდნან.

აქციის ერთ-ერთი ორგანიზატორის, ანა ჭარხალაშვილის განმარტებით, სამოქალაქო აქტივისტები და ოპოზიციონერები არჩევნების ერთ-ერთ მოდელზე შეთანხმდნენ, "რომელიც არის გამოსავალი ამ კოლაფსიდან".