(რეზონანსი)საქართველოს ფინანსთა სამინისტროს საგამოძიებო სამსახურმა სხვისი ნივთის მოტყუებით დაუფლების მცდელობის ფაქტზე იუსტიციის სამინისტროს სპეციალური პენიტენციური სამსახურის ინსპექტორი დააკავა, ნათქვამია უწყების მიერ გავრცელებულ განცხადებაში.

უწყების ცნობით, ბრალდებულმა ერთ-ერთ მოქალაქე დაარწმუნა, რომ 1,5 ათასი აშშ დოლარის გადახდის სანაცვლოდ, მას პენიტენციურ სამსახურში დასაქმებაში დაეხმარებოდა. იგი მოთხოვნილი თანხის - 1,5 ათასი აშშ დოლარის აღების ფაქტზე დააკავეს.

იუსტიციის სამინისტროს თანამშრომელს ბრალის დამტკიცების შემთხვევაში, ოთხიდან შვიდ წლამდე ვადით თავისუფლების აღკვეთა ემუქრება.

გამოძიება საქართველოს სსკ-ის 19, 180-ე მუხლის მეორე ნაწილით მიმდინარეობს, რაც სხვისი ნივთის მოტყუებით დაუფლების მცდელობას გულისხმობს, რაც 4-დან 7 წლამდე თავისუფლების აღკვეთას ითვალისწინებს.