(რეზონანსი) საქართველოს პრეზიდენტის და საერთო სასამართლოების ოფიციალური ვებ-გვერდები დაჰაკეს. საიტზე შესვლისას მომხმარებლებს როგორც President.Gov.Ge-ზე, ისე Court.ge-ზე საქართველოს ყოფილი პრეზიდენტის, მიხეილ სააკაშვილის სურათი ხვდებათ სახელწოდებით - „I LL BE BACK!"

ჯერჯერობით უცნობია ვინ დგას ჰაკერული შეტევის უკან. პრეზიდენტის ადმინისტრაციის და საერთო სასამართლოების წარმომადგენლებს განმარტება ამ დრომდე არ გაუკეთებიათ.

ამის გარდა, დაჰაკულია სხვა სამთავრობო უწყებების ვებ-გვერდებიც. მათ შორის ბათუმის საკრებულოს და ქუთაისის მუნიციპალიტეტების.