ზუგდიდში, ნაწულუკუს უბანში ავარიის დროს დაშავებული ერთ-ერთი ახალგაზრდა მამაკაცი ნიკოლოზ ივარდავა კატასტროფის ბრიგადამ გვაინა ღამით თბილისში გადაიყვანა. ზუგდიდის რეფერალური საავადმყოფოს კლინიკური დირექტორის სულხან ორჟონიას ინფორმაციით, ახალგაზრდა მამაკაცი თბილისში ოჯახის მოთხოვნით გადაიყვანეს, რაც შეეხება 2 ახალგაზრდა ქალს, მათი მდგომარეობა კრიტიკულია.

„ისინი რჩებიან რეანიმაციულ განყოფილებაში, ორივე მათგანს ჩაუტარდა ტრეპანაცია. ორივეს მდგომარეობა უკიდურესად მძიმეა“, - განაცხადა ორჟონიამ.

ავტოსაგზაო შემთხვევას, რომელიც გუშინ ნაწულუკუს გზაზე მოხდა, ერთი მამაკაცის სიცოცხლე ემსხვერპლა და სამი ახალგაზრდა მძიმედ დაშავდა.

პრაიმტაიმი