ამერიკის შეერთებულმა შტატებმა თურქეთს სანქციები მოუხსნა. ამის შესახებ რამდენიმე წუთის წინ აშშ-ის პრეზიდენტმა, დონალდ ტრამპმა განაცხადა. „სანქციები მოიხსნება, თუ რამე ისეთი არ მოხდება, რაც არ გაგვახარებს“, – განაცხადა ამერიკის შეერთებული შტატების პრეზიდენტმა.

დონალ ტრამპმა აღნიშნა, რომ სირიაში სამხედრო ოპერაციის შეჩერებაში უდიდესი როლი ამერიკა-თურქეთის მოლაპარაკებამ იქონია და არა სხვა რომელიმე ქვეყანამ.

ტრამპმა მადლობა გადაუხადა ვიცე-პრეზიდენტს, სახელმწიფო მდივანსა და უსაფრთხოების საკითხებში მრჩეველს.

აშშ-მ თურქეთს სანქციები 9 ოქტომბერს სირიის ჩრდილოეთ რეგიონებში დაწყებული სამხედრო ოპერაციის გამო დაუწესა.