ჩხოროწყუს მერიის მიერ გავრცელებულ ინფორმაციით, 19 ოქტომბერს ჩხოროწყუს 90 წლის იუბილესთან დაკავშირებით მუნიციპალიტეტში სახალხო ზეიმი ,,კოლხური შემოდგომა“ გაიმართა, რომლის ფარგლებშიც სხვადასხვა სახის ღონისძიებები ჩატარდა. იქვე დამყარდა ეროვნული რეკორდი - იაგო დარსალიამ 34-კილოგრამიანი სულგუნი დაამზადა, რისთვისაც საქართველოს რეკორდების ფედერაციის მიერ მუნიციპალიტეტს გადაეცა შესაბამისი სერტიფიკატი.

ღონისძიებების ბოლოს გაიმართა გალა კონცერტი, რომელშიც ადგილობრივი ბენდი, სოფო და ბორის ბედიები მონაწილეობდნენ.