(რეზონანსი) შინაგან საქმეთა ყოფილი მინისტრი ვანო მერაბიშვილი ციხეს ოთხ თვეში, 20 თებერვალს დატოვებს. ამის შესახებ ინფორმაცია On.ge-ს სპეციალურ პენიტენციურ სამსახურში დაუდასტურეს.

ვანო მერაბიშვილი 2013 წლის მაისში დააკავეს მითვისება-გაფლანგვისა და ამომრჩევლის მოსყიდვის ბრალდებით. მოგვიანებით, მას სხვა ბრალდებებიც წაუყენეს - 2011 წლის 26 მაისის აქციისა და სანდრო გირგვლიანის მკვლელობის საქმეებზე უფლებამოსილების გადამეტების მუხლებით.

მერაბიშვილი 2014 წელს სასამართლომ დამნაშავედ სცნო და პატიმრობა შეუფარდა.