(რეზონანსი) ხაშურში, ყოფილი ქმრის მიერ მოკლული ქალი 30 წლის ნათია გოგალაძეა. ახალგაზდრა ქალი ხაშურის საავადყოფოში ცოტა ხნის წინ დაიღუპა.

ქალს ბლაგვი საგნით მიყენებული დაზიანებები თავის არეში აღენიშნებოდა. ახლობლების ინფორმაციით, დღეს სასამართლო პროცესი უნდა გამართულიყო, სადაც განქორწინება ოფიციალურად მოხდებოდა.

გარდაცვლილი დღემდე სილამაზის სალონში მუშაობდა. გავრცელებული ინფორმაციით, ქმარმა ქალის დაჭრამდე მის სამსახურში ხელყუმბარა შეაგდო, რომელიც არ აფეთქდა.

მომხდარზე გამოძიება სსკ 19. 108-ე მუხლით დაიწყო, რაც განზრახ მკვლელობას გულისხმობს.

ოჯახის ინფორმაციით, მამაკაცი ამ დროისთვის დაკავებული არ არის.